倫敦地鐵 Mind the Gap ? – 下集

曾作為戰時避難所嘅 Down Street 車站係1907年開始營運，但後來因為乘客太少，最終係1932年關閉。由於靠近英國國會，所以係二戰期間就改造成可容納近40人的地下居所同指揮中心，當時首相邱吉爾同佢嘅內閣成員就係入面討論作戰方針，邱吉爾更曾經稱佢為「穀倉」。 二戰結束以後，Down Street 車站雖然繼續停用，但入面仲保留咗當日嘅會議室，以及當時日常生活嘅基本設施，甚至仲保留住寫上邱吉爾名字Winston Churchill 簡稱「WC」嘅專用浴缸。

Thought of the day

幾乎每個地鐵站都有一塊白板，每日由站長親手寫上精選詩句、名言等等。有時係鼓勵人心嘅說話，有時係帶點小幽默嘅語句，每日都帶俾大家小小慰藉。係2020年11月嘅BBC訪問裡面，North Greenwich 站員 Ian Redpath 提及自己曾經係 Victoria Line 嘅司機，係日復日嘅駕駛中，一名少女當著佢面跳鐵軌自殺，備受創傷Ian 就藉著撰寫「Thought of the day」去療傷，希望帶出多啲溫暖嘅訊息俾大家。而家有啲地鐵站甚至有自己嘅Twitter，將每日小語傳達俾更多朋友。

我哋熱賣樓盤Colindale Gardens 就係正Colindale 站隔離，過條馬路就到；由Colindale Station坐Tube出到市中心都只係半個鐘。即場登記，仲可免律師費及一年業主放租管理費，係咪好吸引呢？即刻登記我地個專題講座知多啲啦！